Bithex SecureWerk™ – Stöðug Öryggisvöktun, Veikleikaskönn og Innbrotsprófanir

Fyrir netþjóna og tæki sem tengjast Internetinu, svo sem vefþjóna, póstþjóna, DNS nafnaþjóna, FTP skráarþjóna, eldveggi o.s.frv., er mikilvægt að fylgst sé með öryggi reglulega. Með SecureWerk base geta fyrirtæki valið að setja öll Internettengd tæki sín í daglega skimun fyrir nýjustu öryggisveikleikum sem finnast á Netinu daglega. Að auki getur notandinn valið að setja ákveðna netþjóna í regluleg og nákvæm innbrotspróf þar sem reynt er til þrautar að finna veikleika og innbrotsleiðir inná tölvukerfi og hugbúnað.

Þjónustan getur einnig miðast við að notandinn sé sjálfstæður í framkvæmd öryggisprófana og veikleikaskimana og skilji eðli slíkrar skimunnar, hvaða áhrif þau geta haft á netþjóna og tæki og hvernig lesa skal úr niðurstöðum slíkra skanna.

Að auki getur notandi í SecureWerk sett vefþjóna og netþjóna sína í Network Monitor þar sem hægt er að vakta og mæla aðgengileika á algengustu þjónustum og fá tilkynningar ef vélar og þjónustur bila eða verða óaðgengilegar.

Fyrir stærri fyrirtæki sem hafa innleitt stjórnkerfi um upplýsingaöryggi og fyrirtæki sem þurfa, eða vilja fara í gegnum reglulegar öryggisúttektir, er Bithex SecureWerk enterprise þjónusta þar sem reynt er á stöðu upplýsingaöryggis með reglulegum og formlegum hætti.

Þjónustan er framkvæmd af starfsmönnum Bithex og byggir á því að allar vélar og kerfi eru sett í daglega vöktun þar sem prófað er fyrir nýjustu veikleikum, framkvæmd eru mánaðarleg öryggisskönn þar sem skimað er og prófað fyrir þekktum öryggisveilum og innbrotsprófanir eru framkvæmdar tvistar til fjórum sinnum árlega. Eftir innbrotsprófanir er gefin út skýrsla sem sýnir nákvæma stöðu upplýsingaöryggis og hlítingu við kröfur öryggisstaðla.

Fyrirtæki geta ennfremur notað stöðuskýrslur úr Bithex SecureWerk sem hluta af reglulegu áhættumati á upplýsingakerfum þar sem atriði eru flokkuð í áhættustig og metnar eru líkur á öryggisatvikum í tengslum við veikleika sem kunna að finnast.