Við bjóðum upp á fyrirlestur og veitum þjálfun í upplýsingaöryggi.

Upplýsingaöryggi er verkefni sem endar aldrei. Netþjónar og tölvur geta verið „up-to-date“ með hörðustu öryggisstillingum sem völ er á – jafnvel þannig að engin leið er til beinna innbrota frá netinu inná upplýsingaeigur fyrirtækisins. Staðreyndin er hins vegar sú að algengasta og léttasta leið tölvuþrjóta til innbrota inná tölvukerfi er í gegnum starfsfólk og notendur.

Við kynnum og útskýrum örugg vinnubrögð og notkun tölva og upplýsingaeigna. Takmarkið er að bæta kunnáttu þátttakanda þegar kemur að notkun upplýsingakerfa og lágmarka þannig áhættu á tölvuinnbrotum og öryggisatvikum sem geta átt sér stað vegna kunnáttuleysis og mistaka notenda.

Þjálfun okkar gengur út á gera þátttakendur að öryggisvörðum í stað þess að vera öryggisógn við upplýsingaeigur sínar. Við útskýrum og leiðbeinum varðandi atriði og aðferðir eins og:

• Notkun tölvupósts og áhættur sem þarf að þekkja í tölvupóstsendingum,
• Örugga notkun Internetsins,
• Örugg lykilorð og meðferð þeirra í vöfrum og hugbúnaði almennt,
• Grundvallaratriði í dulkóðun,
• Hvernig á að læsa aðgengi að upplýsingum og tölvubúnaði,

• Hvernig á að vita hver hefur aðgang að hvaða upplýsingum,
• Hvernig á að þekkja bragðvísi (e. social engineering) og hvernig á að bregðast við slíku,
• Örugg notkun á samfélagsmiðlum,
• Hvernig er öruggast að vinna í fjarvinnslu og öryggi á þráðlausum netum (Wifi).

Notandinn er of oft veikasti hlekkurinn í upplýsingakerfum. Með stöðugri þjálfun og góðri öryggisvitund allra notenda er hins vegar vel mögulegt að breyta upplýsingakerfum í óvinnandi vígi.

Hér getur þú bókað tíma í fyrirlestur. Allir fyrirlestrar eru á Laugardögum kl 10:00-11:30